बीड दि. 12 (प्रतिनिधी) : गॅस कनेक्शन असलेल्या सर्व ग्राहकांसाठी ई-केवायसी प्रक्रिया आता अनिवार्य करण्यात आली आहे. प्रदीप गॅस एजन्सीमार्फत ग्राहकांना तात्काळ ई-केवायसी पूर्ण करण्याचे आवाहन करण्यात आले आहे.
गॅस सिलेंडर डिलिव्हरी घेताना ग्राहकांनी सर्वप्रथम ऑनलाईन बुकिंग करणे आवश्यक असून, डिलिव्हरी बॉयला ओटीपी दाखवणे बंधनकारक आहे. ओटीपी न दिल्यास सिलेंडर डिलिव्हर केला जाणार नाही, अशी माहिती एजन्सीने दिली. तसेच प्रधानमंत्री उज्ज्वला योजनेतील लाभार्थ्यांनाही ई-केवायसी करणे आवश्यक असल्याचे सांगण्यात आले आहे. अन्यथा शासनाकडून मिळणारे अनुदान थेट त्यांच्या बँक खात्यात जमा होणार नाही. ई-केवायसीसाठी ग्राहकांना आधार कार्ड, लिंक केलेला मोबाईल नंबर, गॅस कनेक्शन नंबर आणि बँक खात्याची माहिती आवश्यक आहे. ही माहिती ऑनलाईन किंवा थेट एजन्सीमध्ये जमा करता येईल.
▪️’ मिस्ड कॉल’ देऊन गॅस बुकिंग करा
ऑनलाईन गॅस सिलेंडर बुकिंगसाठी ग्राहक 8888823456 किंवा 9493602222 या क्रमांकावर मिस्ड कॉल देऊ शकतात.
गॅस सिलेंडरची डिलिव्हरी घेताना ओटीपी दाखवल्याशिवाय सिलेंडर मिळणार नाही. यासाठी संबंधित मोबाईल नंबर आधी एजन्सीमध्ये रजिस्टर असणे आवश्यक आहे.
▪️ ‘मेंडेटरी इन्स्पेक्शन’ सुरू, ग्राहकांनी पूर्ण सहकार्य करावे
गॅस कंपनीतर्फे ‘मेंडेटरी इन्स्पेक्शन’ सुरू असून एजन्सी चे अधिकारी, कर्मचारी घरपोच तपासणीसाठी भेट देणार आहेत. ग्राहकांनी तपासणीवेळी पूर्ण सहकार्य करावे, असे एजन्सीने आवाहन केले आहे. तांत्रिक किंवा संपर्कासंबंधी अडचणी असल्यास ग्राहकांनी प्रदीप एजन्सी, सावतामाळी चौक, सटवाई मैदान रोड येथे भेट देऊन आवश्यक माहिती घ्यावी असे ही आवाहन प्रदीप गॅस एजन्सीच्यावतीने करण्यात आले आहे.
