🚆 बीडकरांच्या स्वप्नपूर्तीचा ऐतिहासिक क्षण

Join Our WhatsApp Channel

Post Views: 37

आज मराठवाडा मुक्तीसंग्राम दिनाचे औचित्य साधून बीडकरांसाठी ऐतिहासिक आणि आनंदाचा दिवस ठरला. अनेक दशकांपासून प्रतीक्षेत असलेल्या बीड–पुणे थेट रेल्वेसेवेचा शुभारंभ उपमुख्यमंत्री तथा बीड जिल्ह्याच्या पालकमंत्री मा. श्रीमती सुनेत्राताई पवार यांच्या हस्ते हिरवा झेंडा दाखवून करण्यात आला.

‘झिरो वन फोर झिरो वन’ रेल्वेच्या प्रस्थानाची घोषणा, शिट्टीचा तीव्र स्वर आणि इंजिनाची गर्जना… या ऐतिहासिक क्षणामुळे संपूर्ण रेल्वे स्थानक परिसरात उत्साह आणि आनंदाचे वातावरण निर्माण झाले. बीडकरांच्या अनेक वर्षांच्या प्रतीक्षेला आज मूर्त स्वरूप मिळाले. 🚆✨

यावेळी येत्या काही महिन्यांत बीड–पनवेल थेट रेल्वेसेवा सुरू करण्याचा मानस व्यक्त करण्यात आला. तसेच बीड–परळी रेल्वेमार्ग पूर्ण झाल्यानंतर बीडचा रेल्वेमार्ग दक्षिण भारताशी जोडला जाईल आणि त्यातून मराठवाड्याच्या विकासाला आणखी गती मिळेल, असा विश्वास व्यक्त करण्यात आला.

🎨📚 विद्यार्थ्यांचा गौरव

‘भारतीय रेल्वेचे महाराष्ट्र राज्याच्या विकासात योगदान’ या विषयावर आयोजित निबंध व चित्रकला स्पर्धेतील उत्तीर्ण शाळकरी विद्यार्थ्यांना यावेळी पुरस्कार प्रदान करून त्यांचा गौरव करण्यात आला.

या ऐतिहासिक दिनी मराठवाडा मुक्तीसंग्रामातील हुतात्मे आणि स्वातंत्र्यसैनिकांना विनम्र अभिवादन करण्यात आले.

बीड–पुणे रेल्वेसेवा ही केवळ रेल्वे जोडणी नाही, तर बीडच्या विकासाच्या नव्या पर्वाची सुरुवात आहे! 🚆
बीडकरांच्या स्वप्नांना आता विकासाची नवी दिशा आणि वेग मिळणार आहे.

#बीडपुणेरेल्वे #बीडरेल्वे #मराठवाडामुक्तीसंग्रामदिन #रेल्वेसंपर्क #बीडविकास #नवीनपर्व